Month: July 2025

यहि मिति २०८२/४/१२ गते आइतबार नेपाल सुनचाँदी व्यवसायी संघको ३०औं सल्लाहकार सभा होटल सुर्य हेरिटेजमा सम्पन्न भयो। आउँदो १७ गते श्रावण शनिबार टौदहमा हुनलागेको यस संघको ३३ तथा ३४औं साधारण सभाको जानकारि तथा यस संघले लिनुपर्ने आगामी कदमको दिशानिर्देश गर्न तथा विलासिता कर र भ्याट हताउन गर्न सकिने उपायका बारेमा छलफल गर्न यो सभा आयोजना गरिएको थियो।
यस संघका पुर्व अध्यक्ष श्री निरंजन रत्न शाक्यले बिगतको भ्याट  आन्दोलन सफल हुँदाताकाको अवयबहरु तथा सफलताको सुत्र बताउनु भयो। त्यस्तै नेपाल रत्न आभुषण संघका पुर्व अध्यक्ष सुरेशमान श्रेष्ठले भारतमा पनि यस्तै खालको आन्दोलन ५२ दिन सम्म चलेको र सबै व्यवसायीले पूर्ण एक्यबद्द भै आन्दोलन गरेपछि भ्याट खारेज गराएर ३% GST गहनामा मात्र लगाउन बाध्य पारेको सुनाउनु भयो।
त्यस्तै यस संघका संस्थापक तथा सल्लाकार बरिष्ठ व्यवसायी श्री तेज रत्न शाक्यले महासंघले समयमै यस्तो खाले भेला राखेर दर्हो रुपमा समस्या राख्न सकेको भए आजको अवस्थानै नआउने तथा नेपाल ग्रेलिष्टमा जानुमा सुनचाँदी व्यवसायीको कुनै भुमिका नभएको, नेपालमा आयातको तुलनामा निर्यात अत्यधिक भएकोले अर्थतन्त्र बिग्रेको र हालैको आन्दोलन असफल हुनुमा व्यवसायी फुटले काम गरेको तथा नगोसिडा केन्द्रले अब व्यवसायी जुताउन समन्वय गर्नु पर्ने सुझाव दिनु भयो।
पुर्व वाणिज्यमन्त्री तथा सभासद श्री मीन बिश्वकर्माले वहाँ मन्त्री हुँदा सुनचाँदी निर्देशिका र ऐन नियम पारित गराउन पहल गरेको तर महासंघको निष्कृयताले सफल नभएको सम्झनुभयो। वजेट अगाडीको छलफलमा महासंघले विलासिताकै पक्षमा वकालत गरेको र सुनको कोटा बढाउन मात्र जोड दिने खुला अर्थतन्त्र(free economic market) कुराको बिरोध गर्ने गरेको सुनाउनु भयो। बैंकले बिक्रिमात्र गर्ने तर खरिद नगर्ने(buy back) नियमकानुन र ब्यवहारिक समेत नभएको जिकिर गर्नु भयो। बैंकले डलर तथा अन्य बिदेशी मुद्रा खरिद बिक्रि गर्ने तर सुन बिक्रिमात्र गर्ने फिर्ता नलिने पनि सिण्डिकेट हो भन्नुभयो। नेपाल राष्ट्रबैंक भारतसंग भंसार र अन्य करका दर समान गर्न सहमत भएको तर अर्थ मन्त्रालय यस्मा   सहमत नभएको, यद्यपि वार्ता सफल हुनेमा आशाबादी रहको तर वार्ता सफल नभए पुनः आन्दोलन गर्नुपर्ने, त्यस्तोमा पुर्व अग्रज बरिष्ठ व्यवसायीहरुले पनि आन्दोलनमा भाग लिनुपर्ने तथा नेगोसिडा केन्द्रले एकताको समन्वय गर्नु पर्ने कुरा राख्नु भयो।
त्यस्तै नेपाल चेम्बर अफ कमर्सका वरिष्ठ उपाध्यक्ष श्री दिपक मलहोत्राले चेम्बरले सुनचाँदीका समस्या यति गहन होला भन्ने नसोचेको अब समस्याहरु प्रष्टसँग बुझिसकेकोले समाधानको लागि सक्दो पहल गरिने जानकारि दिनु भयो।
उपभोक्ता मंचका अध्यक्ष श्री प्रेमलाल महर्जनज्युले यो उपभोक्ताको समस्या भएको, यस्को पहल उपभोक्तालेनै गर्नुपर्ने, व्यवसायीलाई सरकारले मोहदामात्र बनाएको हो भन्नुभयो। व्यवसायीको माग प्रष्ट रुपमा आएको छ, यहि कारणले व्यवसायीको आन्दोलनमा साथ दिएको हो, तर सम्झौतापत्रमा व्यवसायीको मुख्य माग नै हराएको, व्यावसाय हित भन्दा राजनितिक र व्यक्तिगत स्वार्थ जोडिन थालेपछि उपभोक्तावादी पछि हतेको भन्नुभयो। महासंघ कोटामैमात्र रमाउने नीति लिनथाल्ने, व्यवसायीहरु धेरै सकृय भएपनि महासंघहरु निष्कृय भएकोले आन्दोलन सफल नभएको समेत वहाले खुलाउनु भयो। यदि नेगोसिडा केन्द्रले खुट्टा नकमाइ अगाडि बढ्ने हो भने उपभोक्तावादी पुर्णरुपमा साथ दिन तयार भएको साथै यदि प्रष्ट रुपमा नीति नियम माग्ने, नेपालको स्थापित कानुनलेनै प्रष्ट लेखेकोमा कानुनी उपचार खोज्ने, स्थापित कानुनले सुनलाई सम्पति मानिसकेपछि हामीले विलासिता शब्दै बोल्न छोड्नुपर्ने, धार्मिक र सास्कृतिक काममा चाहिने वस्तु भएकोले विलासातामा सहमत नै हुनुहुदैन भन्ने सुझाव समेत दिनुभयो।
त्यस्तै बाग्मति प्रदेश सभासद शैलेश बज्राचार्यले यो नेपालको खर्चालु चुनावी प्रकृयाको परिणामको उपज हो भन्नुभयो।
यस संघका कानुनी सल्लाहकार श्री ज्ञान रत्न शाक्य महासंघले समयमै अर्थमन्त्रालयमा सुझाव नदिएकोले यो समस्या आएको, तर नेपाल राष्ट्रबैंकमा बैधानिक रुपमा आयातको लागि निबेदन दिनुपर्ने र नदिएमा कानुनी उपचार खोज्नुपर्ने , उपभोक्ता र व्यवसायीले आ-आफ्नो अधिकारको आधारमा सर्वोच्चमा रित हाल्नुपर्ने सुझाव दिनुभयो।
उक्त सभामा पुर्व संस्थापक अध्यक्ष श्री निरंजन रत्न शाक्य, श्री तजरत्न शाक्य, श्री मणिरत्न शाब्य, श्री माणिक रत्न शाक्य, पुर्व मन्त्री मीन बिश्वकर्मा, पुर्वमन्त्रि तथा सभासद विराजभक्त श्रेष्ठ, बाग्मति प्रदेश सभासद श्री शैलेश बज्राचार्य, सल्लाहकार श्री रत्नकमल वैद्य,श्रीमती शोभा बज्राचार्य, पत्रकार श्रीकृष्ण महर्जन, बिपिन रामुदामु, ललितपुर सुनचाँदीका अध्यक्ष सुबिन बज्राचार्य, चेम्बरका बरिष्ठ उपाध्यक्ष दिपक मलहोत्रा, पुर्व रत्न आभुषण संघका अध्यक्ष सुरेश मान श्रेष्ठ, निवर्तमान कागोसिडा अध्यक्ष सुरेशमान शाक्य, उपभोता मंचका अध्यक्ष श्री प्रेमलाल महर्जन, कानुनी सल्लाकार श्री ज्ञान रत्न शाक्य आदीको उपस्थिति थियो।
सम्पुर्ण सल्लाकार अतिथीज्युहरुको एउटै मत चाहिँ, सुनको कोटा खारेज गर्नु पर्ने र खुल्ला अर्थतंत्र बजार मा जान पहल गर्नुपर्ने, व्यावसायीक एकता हुनुपर्ने, नेगोसिडा केन्द्रले त्यस्को पहल गर्नु पर्नेमा थियो।

नेपाल सुनचाँदी व्यवसायी संघ(केन्द्र) को ३३तथा३४औं वर्षिक साधारण सभा यहि ने.सं.११४५ गुँलाथ्व अष्टमी तदअनुसार मिति २०८२/४/१७ गते शनिवार टौडह बैंक्वेट तथा रेष्टुरेन्ट , टौडहमा हुने भएको छ। यस संघका नविकरण गर्न बाँकि सदस्यज्युहरुलाई समयमै सदस्यता नविकरण गरि सधारण सभामा उपस्थिती जनाइदिनुहुन हार्दिक अनुरोध गरिन्छ।
हालैको विलासिता कर तथा भ्याट लगायत विविध समस्याहरुको कारणले इतिहासकै विषम तथा जीवयान्त परिस्थितिमा महासंघहरुको अदुरदर्शि अपुर्ण र असक्षम नेतृत्वको कारणले सम्पुर्ण व्यवसायीहरुलाई थप दासत्व तर्फ धकेलि, स्वच्छ व्यावसायीक वातावरण भत्काएर अपराधिकरण तर्फ लम्काउने र असल व्यवसायीहरुलाई पलायन गराउने हालैका जटिल अवस्थामा आशाको किरण स्वरुप रहेको यो संस्थाको दुईवर्षको वार्षिक साधारणसभा सभ्य तथा भव्य रुपमा हुन गैरहेको छ।
२०५५ सालमा यहि संस्थाको सशक्त र दुरदर्शि नेतृत्वमा यस्तै १३% भ्याट आन्दोलन सफल गरेर लागू भैसकेको भ्याटलाई खारेज गरेको थियो।
तर यसपालि देशभरिका व्यवसायीहरुको अभुतपुर्वसाथ रहदारहदै आन्दोलन विचैमा तुहाएर २% विलासिता र १३% भ्याट लगाउने तथा सुन तथा अझ चाँदीमा समेट सिन्डिकेट लगाउने चलखेल भैरहेको छ।
यो साधारण सभामा सम्पुर्ण पुर्व विशिष्ट अध्यक्षज्युहरु सल्लाहकारज्युहरुको उपस्थिति हुने भएको छ। तसर्थ सम्पुर्ण व्यवसायीहरुलाई पुन: गोलबन्द गर्ने उद्यश्यका साथ सम्पन्न हुनलागेको यो साधारणसभा विशिष्ट र महत्वपुर्ण हुने भएकोले सम्पुर्ण सदस्यहरुलाई आमन्त्रण गरिन्छ।