राष्ट्रिय व्यावसायिक प्रशिक्षण प्रतिष्ठानद्वारा नेपाल सुनचाँदी व्यवसायी संघ तथा अध्यक्ष सम्मानित
नेपाल सरकार श्रम, रोजगार तथा समाजिक सुरक्षा मन्त्रालय अन्तर्गत रहेको राष्ट्रिय व्यवसायिक प्रशिक्षण प्रतिष्ठान तथा राष्ट्रिय व्यावसायिक प्रशिक्षण प्रतिष्ठान विकास समितिले नेपाल सुनचाँदी व्यवसायी संघलाई सम्मान गरेको छ । सुनचाँदी र रत्नपत्थर सम्बन्धी Level 1 को पाठ्यक्रम निर्माण गर्ने संयोजक, बिज्ञ व्यक्तिहरुलाई सम्मान र प्रशंसा पत्र प्रदान गरेको छ ।
नेपाल सुनचाँदी व्यवसायी संघले सीप विकास तालिम पाठ्क्रम निर्माण तथा मानव संशाधन विकासमा पुर्याएको उल्लेखनीय योगदानलाई कदर गर्दै संघलाई सम्मानित गरिएको थियो । यसै क्रममा, सुनचाँदी क्षेत्रमा आधारित व्यावसायिक तालिम पाठ्यक्रम निर्माण तथा कार्यान्वयन प्रक्रियामा संयोजकको हैसियतले प्रभावकारी, प्रशंसनीय र नेतृत्वदायी भूमिका निर्वाह गरेको योगदानको कदरस्वरुप नेपाल सुनचाँदी व्यवसायी संघ, केन्द्रीय कार्यालयका अध्यक्ष श्री महेन्द्र रत्न शाक्य, विज्ञ सदस्यहरु महासचिव श्री मनिष शाक्य, र बरिष्ठ प्रशासक श्री हेबेन्द्र शाक्यलाई श्रम, रोजगार तथा सामाजिक सुरक्षा मन्त्री माननीय श्री राजेन्द्र सिंह भण्डारीज्यूबाट प्रशंसा पत्र प्रदान गरिएको छ ।
उक्त सम्मान तथा प्रशंसा पत्र राष्ट्रिय व्यावसायिक प्रशिक्षण प्रतिष्ठानको दोस्रो बार्षिकोत्सवको अवसरमा प्रदान गरिएको हो । सुनचाँदी क्षेत्र अन्तर्गत श्रम बजारको माग अनुसार तयार गरिएको ट्रेडमा आधारित आधारभूत सिपमुलक तालिम विशेष गरी सुनचाँदी गाल्ने तथा खार्ने कालिगढ जस्ता प्राविधिक बिषयमा दक्ष जनशक्ति उत्पादन गर्नका लागि तयार गरिएको पाठ्यक्रम निर्माणमा महत्वपूर्ण योगदान पु¥याउनु भएको योगदानको कदरस्वरुप संस्थालाई सम्मान र बिज्ञ व्यक्तित्वहरुलाई प्रशंसा पत्र प्रदान गरिएको छ ।
राष्ट्रिय व्यावसायिक प्रशिक्षण प्रतिष्ठान (NAVT) र प्राविधिक शिक्षा तथा व्यावसायिक तालीम परिषद् (CTEVT) बाट आवश्यक सहयोग प्राप्त भै हालै मात्र Skill Test Assessor Trainer का रुपमा सुनचाँदी मुल्यांकनकर्ता (Assessor) हरु चार जना, नेपाल कै पहिलो सुनचाँदी सम्बन्धी पाठ्यक्रम निर्माण गर्ने बिशेषज्ञ (Curriculum Developer Expert) का रुपमा दुई जना र प्रशिक्षक प्रशिक्षण तालिम (Training of Teacher) चार जनाले प्राप्त गरी प्रमाण पत्र समेत लिई सक्नुभएको छ ।
नेपाल सुनचाँदी व्यवसाय संघले आगामी दिनमा पनि सरकार तथा सम्बन्धित निकायहरुसँग सहकार्य गर्दै सुनचाँदी क्षेत्रको सीप विकास, रोजगारी सृजना र प्राविधिक जनशक्ति उत्पादनमा थप सशक्त भूमिका निर्वाह गर्ने प्रतिवद्धता जनाएको छ ।
त्यस्तै कार्यक्रममा सुनचाँदी रत्न पत्थर बजारको लागि आवश्यक मानव संशाधनका रुपमा रहेका कालिगढ, बिक्रेता, लेखापाल, कारखाना संचालक, लगानीकर्ता र उपभोक्ताहरुलाई ज्ञान, सीप र मनोबृत्ती सम्बन्धी प्रबद्र्धनात्मक कार्यक्रम संचालन गरी यस क्षेत्रलाई थप विस्तार र बिकास गर्ने प्रतिबद्धता पनि संघका अध्यक्ष श्री महेन्द्र रत्न शाक्यज्यूले आफ्नो मन्तव्यमा राख्नु भयो । यसै सन्दर्भमा नेपालको एउटा दुर्गम बेरोजगार नमूना गाउँलाई सुनचाँदी रत्न पत्थर सम्बन्धी आधार क्षेत्रको रुपमा बिकास गर्ने र यसैका लागि सुनचाँदी र रत्न पत्थर तालिमको शुभारम्भ हुन लागेको पनि उहाँले यस अवसरमा जानकारी गराउनु भयो ।
उक्त कार्यक्रम श्रम, रोजगार तथा सामाजिक सुरक्षा मन्त्रालयका सचिव तथा राष्ट्रिय व्यावसायिक प्रशिक्षण प्रतिष्ठान विकास समितिका अध्यक्ष डा.श्री दिपक काफ्लेज्यूको अध्यक्षता र प्रमुख अतिथिका रुपमा श्रम, रोजगार तथा सामाजिक सुरक्षा मन्त्री माननीय श्री राजेन्द्र सिंह भण्डारीज्यूको आतिथ्यतामा संचालन भएको थियो ।
